Taulant Balla, fyerje dhe fjalë të padenja në seancë, Byroja parlamentare vendos përjashtimin për 2 javë

Ndëshkohet edhe Saimir Tahiri

Byroja parlamentare përjashton për dy javë nga punimet e Kuvendit deputetin socialist Taulant Balla dhe tërheq vëmendjen deputetit tjetër Saimir Tahiri.
Byroja e mbledhur menjëherë pas seancës plenare të ditës së enjte vendosi dje në unanimitet përjashtimin e Taulant Ballës nga punimet e Kuvendit.
Vendimi është marrë për fyerje dhe fjalë të padenja në seancë. Duke argumentuar vendimin e saj byroja ka sjellë në vëmendje nenin 65 të rregullores. Megjithatë kjo masë ndëshkimore është paralajmëruar nga kryeparlamentarja Jozefina Topalli gjatë seancës.