Tavo pret Ambasadorin rus: Plan i ri bashkëpunimi Shqipëri-Rusi

Ministri i Shëndetësisë  Vangjel Tavo, priti në një takim ambasadorin rus, Leonid Abramov. Zoti Abramov e uroi Tavon për detyrën e re, ndërsa vlerësoi se Shqipëria dhe Rusia, historikisht kanë pasur marrëdhënie miqësore. Gjatë takimit Abramov tha gjithashtu se Rusia ofron mundësi shkollimi për studentët shqiptarë të mjekësisë.
 

Nga ana tjetër Ministri i Shëndetësisë, Vangjel Tavo u shpreh se do të gjenden të gjitha hapësirat për vazhdim të mëtejshëm të bashkëpunimit mes dy vendeve.Tavo deklaroi gjithashtu se do të rishikohen marrëveshjet dhe do të vendoset një plan i ri për bashkëpunim.