Te majtet evropiane, Pitela: Jo bojkotit te Kuvendit nga PS Rozeta Rapushi
Shtohet mbeshtetja e nderkombetareve per liberalizimin e vizave per Shqiperine, si dhe pershpejtimin e proceseve integruese dhe paralel me te dhe thirrja ndaj PS per te qene prezent ne menyre te vazhdueshme ne Kuvend. Zevendespresidenti i Parlamentit Evropian, Gianni Pitela gjate takimit te djeshem me Presidentin Bamir Topi dhe kryetaren e Kuvendit Jozefina Topalli, tha se garanton perkrahjen dhe influencen e tij personale gjate procesit te heqjes se vizave dhe pershpejtimin e proceseve integruese. "Jemi ne Shqiperi per te shprehur ndjenjat tona te afrimitetit me popullin dhe vendin tuaj. Por mbi te gjitha jemi ketu per te shprehur mbeshtetjen tone, per aspiraten tuaj te drejte per t'u bere pjese e Bashkimit Evropian. Ashtu sikurse per sa i perket ceshtjes se vizave, une dua te shpreh mbeshtetjen time te madhe. Personalisht do te ndikoje ne Komisionin Evropian si dhe do te flase me komisioneren Malmstrom per nevojen per te pershpejtuar procesin e liberalizimit te vizave sic ka ndodhur per vendet e tjera te Ballkanit",-tha Pitela qe nga Durres. Ai nuk mundi te shmange diten e djeshme, as komentin e tij per situaten ende te tensionuar politike ne Shqiperi. "Parlamenti eshte shtepia e te gjitheve dhe ne favorizojme dialogun ne Parlament", u shpreh ai. Nga ana e saj, Kryetarja e Kuvendit, tha se shpreson qe deputetet e opozites te behen pjese, jo vetem e transparences se zgjedhjeve me te mira e te ndershme te realizuara ne Shqiperi, por mbi te gjitha te luajne rolin e tyre te pazevendesueshem ne debatet per ekonomine, shendetin, arsimin, rrogat e pensionet. Ndersa gjate takimit me Presidentin Bamir Topi, ky i fundit pasi e njohu me situaten politike aktuale ne vend, shprehu kenaqesine per nivelin e larte te marredhenieve me Parlamentin Evropian dhe vleresoi rolin e pamohueshem te Parlamentit Evropian ne procesin e integrimit te Shqiperise ne Bashkimin Evropian. "Shpreha vullnetin per rritjen e kontakteve me Parlamentin Evropian, si nje element me rendesi ne avancimin e procesit te integrimit, duke theksuar rendesine e liberalizimit sa me te shpejte te regjimit te vizave si permbushje e nje aspirate madhore te popullit shqiptar, per t'u bere pjese edhe zyrtarisht ne familjen tradicionale evropiane", tha Topi. Presidenti vleresoi mbeshtetjen e vazhdueshme e te gjithanshme te Italise duke i percjelle njekohesisht pershendetjet me te perzemerta per autoritetet me te larta te vendit fqinj. "Integrimi i vendeve te Ballkanit Perendimor ne BE i sherben stabilitetit, demokracise dhe zhvillimit ekonomik te ketij rajoni dhe afirmon njekohesisht rolin e BE-se, si nje organizate nderkombetare me influence te gjere. Shqiperia kontribuon mjaft ne rritjen e stabilitetit ne rajon me ane te rritjes se bashkepunimit me vendet fqinje dhe jep garanci per zhvillimin e tij, duke luajtur keshtu nje rol te rendesishem", tha Topi. Ndersa Pitela, duke shprehur besimin se Shqiperia do te arrije te permbushe me sukses dhe sa me shpejt detyrimet integruese per ne BE, theksoi rendesine qe ka qendrueshmeria politike ne vend per kete proces.