Të plagosurit e Gërdecit, jashtë vendit për rikontrolle
Të plagosurit e Gërdecit, të cilët u lënduan gjatë shpërthimit të fabrikës së demontimit të armëve në 15 mars, kanë marrë ndihmën e nevojshme shëndetësore jo vetëm brenda, por edhe jashtë vendit.
Në bazë të marrëveshjeve mes vendeve fqinje, Itali, Greqi, Zvicër, ish-punonjësit e fabrikës, të plagosur gjatë shpërthimit, kanë marrë ndihmë të specializuar në qendrën universitare dhe në qendrat spitalore jashtë vendit, kryesisht në Itali. Ministria e Shëndetësisë ka njoftuar dje se ka ndihmuar të gjithë pacientët me dokumentacione dhe me mbulim të shpenzimeve financiare, pjesën e të sëmurëve që janë transportuar për ndihmë jashtë vendit, në spitalet italiane. Por, përfaqësuesit e ministrisë kanë sqaruar se ky dikaster nuk ka asnjë përgjegjësi për vonesat e dhënies së vizave nga shteti italian. Përgjegjësia e ministrisë është hartimi i dokumentacionit dhe notat verbale, të cilat ministria i ka bërë menjëherë dhe i ka dorëzuar në ambasadën italiane, si dhe vazhdimisht ka nxitur në kanale diplomatike mundësinë e miratimit të shpejtë të tyre. "Ministria e Shëndetësisë bën me dije se për rikontrollet e të plagosurve të tragjedisë së Gërdecit, pacientët Haka, Kodra e Sogani, në bashkëpunim me ambasadën italiane në vendin tonë, jo vetëm që është siguruar pajisja me viza, por është gjetur edhe mbulimi i shpenzimeve për rikontrollet që në datën 29 maj 2008", sqaron zyrtarisht Ministria e Shëndetësisë. Sipas dikasterit të Shëndetësisë, të tre pacientët do ta bëjnë rikontrollin falas në Bari të Italisë, falë bashkëpunimit mes Ambasadës Italiane dhe Rajonit të Puljas.
Spitalet e huaja hapën dyert për pacientët shqiptarë dhe njëkohësisht ofruan ndihma dhe njësi gjaku sapo u informuan për shpërthimin e Gërdecit më 15 mars. Sakaq, shpenzimet janë mbuluar nga shteti shqiptar dhe falë bashkëpunimit dhe negociatave të Ministrisë së Shëndetësisë dhe homologëve të tyre.
Në bazë të marrëveshjeve mes vendeve fqinje, Itali, Greqi, Zvicër, ish-punonjësit e fabrikës, të plagosur gjatë shpërthimit, kanë marrë ndihmë të specializuar në qendrën universitare dhe në qendrat spitalore jashtë vendit, kryesisht në Itali. Ministria e Shëndetësisë ka njoftuar dje se ka ndihmuar të gjithë pacientët me dokumentacione dhe me mbulim të shpenzimeve financiare, pjesën e të sëmurëve që janë transportuar për ndihmë jashtë vendit, në spitalet italiane. Por, përfaqësuesit e ministrisë kanë sqaruar se ky dikaster nuk ka asnjë përgjegjësi për vonesat e dhënies së vizave nga shteti italian. Përgjegjësia e ministrisë është hartimi i dokumentacionit dhe notat verbale, të cilat ministria i ka bërë menjëherë dhe i ka dorëzuar në ambasadën italiane, si dhe vazhdimisht ka nxitur në kanale diplomatike mundësinë e miratimit të shpejtë të tyre. "Ministria e Shëndetësisë bën me dije se për rikontrollet e të plagosurve të tragjedisë së Gërdecit, pacientët Haka, Kodra e Sogani, në bashkëpunim me ambasadën italiane në vendin tonë, jo vetëm që është siguruar pajisja me viza, por është gjetur edhe mbulimi i shpenzimeve për rikontrollet që në datën 29 maj 2008", sqaron zyrtarisht Ministria e Shëndetësisë. Sipas dikasterit të Shëndetësisë, të tre pacientët do ta bëjnë rikontrollin falas në Bari të Italisë, falë bashkëpunimit mes Ambasadës Italiane dhe Rajonit të Puljas.
Spitalet e huaja hapën dyert për pacientët shqiptarë dhe njëkohësisht ofruan ndihma dhe njësi gjaku sapo u informuan për shpërthimin e Gërdecit më 15 mars. Sakaq, shpenzimet janë mbuluar nga shteti shqiptar dhe falë bashkëpunimit dhe negociatave të Ministrisë së Shëndetësisë dhe homologëve të tyre.