Te shtunen Dance Theatre

Një dance teatër kritik do të ngjitet këtë fundjavë në skenën e akademisë së arteve Tiranë. Nëpërmjet saj koreografia moderne e Gjergj Prevazit dhe teksti i Kim Mehmetit do të përpiqet të depërtojë në mendjet e njerzve si një mënyrë reagimi dhe ironie ndaj fenomeneve që shqetësojnë sot shoqërinë.

"Lëvizjet, gjestet, gjuha e folur, efektet gjithcka, e cila përcjell më së miri ide. Një shfaqje e cila synon të prekë disa fenomene të jetës sonë të përditshme të cilat ne nuk do të donim të ishin kështu. Pra, shfaqja përgjithësisht ka një sens kritik, të cilat vijnë në shfaqje në mënyrë të drejt për drejtë", tha Gjergj Prevazi, regjisor dhe koreograf.

Ky dance teatër ndërthur gjuhën e trupit me atë të shkruar e të folur. Një pjesë e subjektit është shkruar dhe do të interpretohet nga aktorja Ema Andrea dhe cdo fjalë e saj do të shoqërohet nga lëvizjet koreografike të balerinëve.

Aurela Papadhima