Tello vazhdon me Barcelonën

Cristian Tello ka bërë të ditur se menaxheri i tij është në negociata të avancuara me Barcelonën për vazhdimin e kontratës së tij në kushte të përmirësuara financiare.

Mesfushori aktualisht ka marrëveshje me gjigantin katalan deri në verën e vitit 2013 kurse së fundmi spekulohej se Tello kërkohet nga disa klube evropiane përfshirë Liverpoolin. Por, duket se shumë shpejt do të arrihet marrëveshja për vazhdimin e qëndrimit të tij në Nou Camp.

“Bisedimet janë duke shkuar mirë. Shpresoj se së shpejti do të arrijmë marrëveshje”, deklaroi Tello për të përditshmen sportive spanjolle Marca.