Tentojne te vjedhin nje banese perleshen me oficerin e policise
Dy hajdute jane perplasur me nje surprize te pakendshme ndersa perpiqeshin te vidhnin nje apartament ne nje pallat shtatekatesh ne qytetin e Vlores. Njeri prej tyre eshte plagosur me arme zjarri dhe eshte vene ne pranga pas nje perleshjeje me nje efektiv policie qe banonte ne te njejtin pallat.
Ngjarja ka ndodhur naten e se henes kur dy persona po tentonin te futeshin ne nje apartament i cili ishte aktualisht pa banore. Keqberesit kane tentuar te futen ne shtepine e pabanuar per te vjedhur dhe nuk jane kujdesur te mos bejne zhurme te bindur se askush nuk do ti diktonte. Ata jane orvatur per me shume se nje ore te hapnin me mjete te forta deren kryesore te apartamentit. Por zhurmat qe ata kane bere kane shqetesuar banoret e pallatit dhe per fat te keq te hajduteve njeri prej ketyre banoreve ishte oficer policie.
Oficeri i policise emri i te cilit nuk eshte publikuar banonte nje kat me lart nga apartamenti qe po grabitej dhe pasi ka degjuar zhurmen ka shkuar per te pare se cfare po ndodhte. Polici qe nuk ishte me uniforme u ka folur hajduteve dhe u ka kerkuar sqarime per veprimet qe po kryenin por ata e kane sulmuar pa e ditur se ishte punonjes police. Ata e kane goditur oficerin e policise me kacavide dhe me sende te tjera forta qe po i perdornin per te hapur deren. Ne keto kushte oficeri i policise ka nxjerre pistoleten e sherbimit dhe ka neutralizuar njerin nga hajdutet duke e gjuajtur me plumb ne kembe. Hajduti tjeter eshte larguar menjehere pas te shtenave dhe eshte zhdukur ne rrugicat e lagjes.
Pas plagosjes oficeri i policise ka njoftuar koleget te cilet kane bere arrestimin e 36-vjecarit Kastriot Sheme i cili eshte derguar menjehere ne spitalin e qytetit. Ne komisariat eshte paraqitur edhe oficeri i policise i cili ka dhene sqarime per ngjarjen perpara eproreve dhe oficereve te policise gjyqesore. Personi tjeter i perfshire ne kete ngjarje eshte shpallur ne kerkim nga policia per vepren penale te grabitjes me dhune si dhe kundershtim me dhune te policise.