Tërbohet Gjanica, përmbyt tregun dhe lokale

Prurjet e mëdha në shtratin e lumit Gjanica janë bërë shkak për përmbytjen e tregut industrial të Fierit. Dëmet përllogariten të jenë disa milionë lekë. Por veç tregut industrial, “pre” e lumit Gjanica kanë qenë dhjetëra lokale, dyqane e bare të qytetit në lagjet “1 Maj” dhe “Kongresi i Përmetit”. Banorët ankohen se është e përhershme situata në fjalë, ndërsa kërkojnë nga bashkia marrjen e masave të menjëhershme për shmangien e përmbytjeve të tjera.