Terhiqet uji ne Shkoder, probleme ne disa zona Klodiana Kotorri
Gjate 24 oreve te fundit situata nga permbytjet ne vend ka qene me e qete ndersa uji ka filluar terheqjen nga zonat e permbytura. Nderkohe qe dje ndalimi i reshjeve te shiut ka bere qe te mbyllen portat e dy HEC-eve, te Ulzes e Shkopetit. Shkarkimet vazhdojne ne hidrocentralin e Komanit dhe Vaut te Dejes. Pas tri ditesh shkarkime, portat e HEC-eve te Ulzes e Shkopetit jane mbyllur ndersa mesohet se prurjet ne keto HEC-e jane ulur poshte pikes kritike. Shkarkimet nga keto HEC-e arriten deri ne 400 meter kub per sekonde. Ministria e Brendshme beri te ditur diten e djeshme se nga nderprerja e reshjeve, uji ne zonat e permbytura ne Shkoder ka rene rreth 40 cm dhe siperfaqja nen uje vijon ne kufijte e 2000 hektare. Situata nga permbytjet eshte normalizuar dhe familjet jane rikthyer ne banesat e tyre ne Shkoder. Zonat me problematike jane ne Vlore, Fier dhe Shkoder. Ne zonen e Shkodres, problematike ka vetem ne fshatrat Obot dhe Dajc. Sipas emergjencave civile ne komunen Ana e Malit aktualisht jane 201 shtepi te izoluara nga uji ne fshatrat Obot, Muriqan dhe Gorice, ku edhe rruget e ketyre fshatrave jane nen uje, te pakalueshme. Ne komunen Dajc, aktualisht jane 30 shtepi te izoluara nga uji ndersa jane 10 familje te evakuuar nga ky fshat. Rruga Shkoder-Dajc eshte e kalueshme, me veshtiresi vetem me mjete te larta. Ne komunen Berdice, aktualisht jane 115 shtepi te izoluara. Rruga Shkoder-Velipoje eshte e kalueshme vetem per mjetet e larta, pasi tek Ura e Gjo Lulit, ne segment rreth 200 metra ka prezence uji. Komisioni i Emergjencave Civile i Qarkut, i cili po monitoron situaten ne vijimesi ka marre masa ne furnizimin me uje te pijshem te komunes Ana e Malit me mjetet e PMNZSH-se. “Eshte dhene ndihma mjekesore ne nje rast urgjence shendetesore ne fshatin Obot nga Forcat e FNSH dhe personelit shendetesor paresor. Eshte furnizuar me uje te pijshem komuna Berdice duke u rivene ne pune stacioni i pompave. Efektivat e Drejtorise Policise se qarkut gjate gjithe kohes qene e jane ne gatishmeri ne ruajtje te qetesise dhe te prones” beri te ditur dje Ministria e Brendshme. Nderkohe qe uji eshte terhequr nga pjesa me e madhe e tokave, por ende disa shtepi jane te izoluara. Edhe ne Durres ka permiresim te dukshem te situates. Disa nga familje qe ishin evakuuar jane rikthyer ne banesa. Prezence te ujit ka ende vetem ne Porto Romano dhe ne Shkozet. Ne Fier, Gjanica vershoi gjate nates vetem per dy ore dhe me pas u terhoq. Demtime ka pasur ne disa banesa dhe biznese ne lagjen “1 Maji”, ne lagjen Konferenca e Pezes dhe Liria. Ne Vlore ujerat e Vjoses u larguan pas afro 40 oresh, por megjithate ka prezence uji. Specialistet thone se duhen edhe disa ore qe ne kete zone te kthehet normaliteti.