Teuta ‘vulos’ krizen e Dinamos

Java e 14-te e Superiores, e cila mbyllet sot me ndeshjen Flamurtari-Besa, dhuroi dje nje rezultat surprize ne "Qemal Stafa", ku kampionet ne fuqi te Dinamos pesuar humbjen e pare sezonale ne fushen e tyre. Blute e kryeqytetit u munden me merite nga Teuta e Edi Martinit fale nje loje mjaft te bukur dhe te kujdesshme te kesaj te fundit. Durrsaket pate mbyllur hesapet e takimit qe ne 45 minutat e para, teksa arrinin te kalonin dy here ne avantazh me ane te Pepes dhe Frasherit (kujtojme se miqte nuk kishin ne dispozicion sulmuesin e tyre kryesor, Mirel Çota, i pezulluar per kartone). Ne pjesen e dyte shkurtoi diferencen e golave Emiljano Vila per Dinamon nga pika e bardhe e penalltise. Duhet thene se prej javes se 9-te (Kastrioti-Dinamo 1-2), blute e drejtuar nga Luis Blanko nuk kane mundur te fitojne asnje ndeshje (Dinamo-Laçi 3-3; Skenderbeu-Dinamo 3-2; Flamurtari-Dinamo 3-1; Besa-Dinamo 1-1; Dinamo-Teuta 1-2) duke marre vetem dy pike ne pese takime. Nga ana tjeter, Teuta arriti te sigloje fitoren e pare jashte fushes ne keto 14 jave te ketij sezoni.
Veç takimit te "Qemal Stafes", ne Korçe u luajt sfida Skenderbeu-Shkumbini, e cila nxori fitues vendesit, fale nje goli te shenuar ne minuten e fundit nga sulmuesi serb Mlladen Berkiç. Ne kete takim duhet theksuar se u humben dy penallti, nga nje per secilen skuader. Ne fillim ka qene Berkiç, i cili pasi fitoi vetem nje 11-metersh per nje nderhyrje te gabuar ne dem te tij e gaboi ate, por duke e shlyer fajin ne fund te sfides me golin trepikesh. Ne minuten e fundit te shteses se akorduar nga gjyqtari i ndeshjes, Markoviç ndalon me dore nje top ne zone, duke u ndeshkuar me kartonin te kuq dhe penallti per peqinasit. Te topi shkon portieri i Shkumbinit, Kotorri, perballe portierit te Skenderbeut, Orges Shehi, por gabon. Gardiani bardhekuq kupton krahun dhe grushton, duke mbajtur te paprekur rrjeten e portes se tij.   Superiore/ Java 14-te

Te shtunen
Laçi-Vllaznia        0-1
Bylis-Tirana        1-1
Kastrioti-Elbasani    3-1
Dje
Skenderbeu-Shkumbini    1-0
Berkiç 89'
Karton i kuq: Markoviç (S) 90+5'
Dinamo-Teuta        1-2
Vila 47' (p)/ Pepa 8', Frasheri 26'
Sot
Flamurtari-Besa    13:00

Renditja

Ekipi    ND    F    B    H    P
1. Flamurtari    13    9    1    3    28
2. Skenderbeu    14    9    1    4    28
3. Dinamo    14    7    3    4    24
4. Vllaznia    14    7    3    4    24
5. Tirana    14    6    4    4    22
6. Teuta    14    6    3    5    21
7. Laçi    14    5    2    7    17
8. Kastrioti    14    4    5    5    17
9. Shkumbini    14    5    2    7    17
10. Bylis    14    3    3    8    12
11. Elbasani    14    3    3    8    9
12. Besa    13    1    6    6    9
Shenim: Elbasani, minus 3 pike ne renditje, i denuar nga FIFA per shkak te çeshtjes "Darko Periç".

LEONARD KARAJ