Teuta e Kamza, beteja e fundit për një biletë

Pas ndeshjeve të pesta në grupe, ka mbetur vetëm një vend bosh në grupin C, pasi 7 skuadrat e tjera janë kualifikuar

Faza e çerekfinaleve të Kupës së Shqipërisë tashmë duket se e ka marrë formën e saj edhe pse nuk kanë përfunduar ende ndeshjet në grupe. Në Grupin A, Tirana dhe Laçi janë të kualifikuarat mes 8 ekipeve më të mira të këtij aktiviteti. Skuadra bardheblu shënoi fitoren e pestë duke mundur në sfidën e radhës Shkumbinin në fushën e këtij të fundit me rezultatin 3-2 dhe është e vetmja skuadër me pikë të plota. Në ndeshjen tjetër, Laçi barazoi me Apoloninë 0-0, por kjo pikë i mjaftoi kësaj skuadre për të siguruar vendin e dytë. Grupi B është i vetmi që ka ende dyshime për përcaktimin e skuadrave të kualifikuara. Në të vërtetë, të gjitha pikëpyetjet janë për vendin e dytë që do të diskutohet mes Teutës dhe Kamzës, megjithëse Pogradeci akoma nuk mund të përjashtohet. Flamurtari u kualifikua si skuadra kryesuese edhe pse në javën e pestë barazoi me Kamzën 0-0, ndërsa Teuta shënoi fitoren e parë duke mundur Pogradecin 2-0. Në Grupin C, të kualifikuarat për në çerekfinale të Kupës së Shqipërisë janë Skënderbeu dhe Kastrioti. Skuadra korçare mundi në ndeshjen e radhës Besën me rezultatin 3-0 duke u ngjitur edhe në krye të grupit me 12 pikë. Ndërsa Kastrioti barazoi me Luftëtarin në Gjirokastër 3-3 dhe mban vendin e dytë me 10 pikë.

Grupi A

Laçi – Apolonia 0-0

Shkumbini – Tirana 2-3

Renditja

Tirana 5 15

Laçi 5 8

Apolonia 5 4

Shkumbini 5 1

Grupi B

Flamurtari – Kamza 0-0

Pogradeci – Teuta 0-2

Renditja

Flamurtari 5 10

Teuta 5 6

Kamza 5 6

Pogradeci 5 4

Grupi C

Luftëtari – Kastrioti 3-3

Skënderbeu – Besa 3-0

Renditja

Skënderbeu 5 12

Kastrioti 5 10

Luftëtari 5 7

Besa 5 0

Grupi D

Dinamo – Bylis 1-2

Vllaznia – Elbasani 3-1

Renditja

Vllaznia 5 13

Bylis 5 13

Elbasani 5 3

Dinamo 5 0