Tevez: Do të largohem nga Mançesteri

Karlos Tevez, argjentinasi i Mançester Junajtid, është i bindur
të largohet nga "Old Trafford" në fund të sezonit. Forma e tij e
huazimit përfundon në qershor dhe trajneri Sër Aleks Ferguson nuk
ka bërë ende një ofertë për ta blerë përfundimisht kartonin e tij. Për
më tepër, Tevez është i mërzitur nga fakti se është lënë për shumë
kohë në pankinë. "Nuk besoj se do të jem një lojtar i Mançester
Junajtid në sezonin tjetër, thotë Tevez në një intervistë për ‘News of
the World‘. Nuk po më vlerësojnë dhe kjo më bën të ndihem keq.
Është e vështirë të jetosh një situatë të tillë, prandaj besoj se do t‘i
them ‘lamtumirë‘ në fund të sezonit".