Thaçi: Proçes i qetë zgjedhor

Kryeministri i Kosovës, Hashim Thaçi dhe shefi i Misionit të EULEX-it, Xavier Bout de Marnhac, kanë diskutuar sot për gjendjen aktuale politike në Kosovë, me theks të veçantë për proçesin e mbajtjes së zgjedhjeve.

Thaçi ka vlerësuar se proçesi ishte i qetë dhe në përputhshmëri me standardet e zgjedhjeve të lira dhe demokratike.

Nga ana e tij, shefi i EULEX-it, Xavier Bout de Marnhac, shprehu vlerësimin se aspektet e sigurisë të zgjedhjeve janë trajtuar mirë.

Thaçi dhe De Marnhac kanë rene dakord për thellimin e mëtejshëm të bashkëpunimit mes Qeverisë së Kosovës dhe Misionit EULEX, në funksion të fuqizimit të sundimit të rendit dhe ligjit dhe avancimit të proçeseve zhvillimore në Kosovë.