Thellohet dezintegrimi i Serbisë - boshnjakët e Sanxhakut themelojnë Akademinë e tyre

Në reagimet e para për themelimin e Akademisë boshnjake  Arteve dhe të Shkencës, autoritete në Beograd theksojnë se bëhet fjalë për një akt politik i cili nuk do të ndihmojë në zgjidhjen e problemeve reale të qytetarëve në Sanxhak. Kuvendi themelues është mbajtur të enjten në Novi Pazar, e Akademia, me 21 anëtarë do të ketë seli të dyfishtë: në Novi Pazar dhe në Sarajevë. Kryetari i Akademisë është zgjedhur Ferid Muhiq e në në mesin e anëtarëve janë edhe kryemyftiu i Bashkësisë Islame në Serbi Muamer Zukorliq, reis-ul-ulema i Bashkësisë Islame në B e H Mustafa Ceriq dhe Ejup Ganiq.