Tifozët e Romës kërkojnë Sorosin

Më shumë se 15 mijë njerëz kanë firmosur një peticion të tifozëve të Romës, ku kërkohet që drejtuesit aktualë t‘i shesin klubin amerikanit Xhorxh Soros. Pas raportimeve të mediave se miliarderi kishte tërhequr kërkesën e tij pas mungesës së dialogut mes palëve, tifozeria ka kërkuar nga familja Sensi që të heqë dorë nga shifrat absurde dhe të pranojë shitjen e ekipit për 270 milionë euro. Lojtarët e ekipit, mes të cilëve De Rosi, kanë përshëndetur iniciativën e afrimit të aksionerëve të fuqishëm.