Tifozi, 50 milionë lekë për skuadrën

Në prag të rifillimit të kam
pionatit, lojtarët e Partizanit
kanë 70 milionë arsye për të
fituar në fushën e Bylisit. Në
fakt, 20 milionë lekëve të grumbulluara
nga mbështetësit e
kuq për fushatën "Shpëtoni
Partizanin", i është shtuar
edhe kontributi me 50 milionë
lekë të vjetra. Kjo shifër është
sponsorizuar nga një person i
vetëm dhe ai është Ilir Cema,
vëllai i njërit prej tifozëve më të
zjarrtë të "demave", Kastriot
Cema, i cili ka ndërruar jetë në
vitin 2007. Për nder të tij, në
sezonin 2007/‘08, u krijua trofeu
"Joti", që sipas votave të tifozëve
i jepej lojtarit më të
mirë të Partizanit. Ndërkohë,
kontingjenti i skuadrës së
Shpëtim Duros është përforcuar
me afrimin e mesfushorit
Enkel Alikajt, i cili u aktivizua
me Besën e Kavajës në
gjysmën e parë të sezonit.