Tiranë, 18-vjeçari kapet me hashash

Një adoleshent, i cili kishte
zgjedhur rrugë të lehtë,
por me pasoja për të
nxjerrë shuma të majme parash,
është arrestuar dje nga policia e
Tiranës. Specialistët e seksionit
kundër drogës nga policia e
kryeqytetit bënë të ditur se kryen
arrestimin në flagrancë të 18-
vjeçarit Elvis Kusta, lindur në Fier
dhe banues në Tiranë. "Arrestimi
i tij u krye sepse dje rreth orës
17.00, në rrugën "Ali Baushi",
është kapur në flagrancë, ku gjatë
kontrollit fizik i është gjetur sasia
prej 4 gramë bimë e dyshuar
narkotike, e llojit marijuanë", tha
policia. Ndërkohë, edhe nga
kontrolli i banesës, adoleshentit
iu gjet sasia prej 35.6 gramë, bimë
e dyshuar narkotike e llojit
marijuanë. Në cilësinë e provës
materiale, adoleshentit iu
sekuestruan në total 39.6 gramë
marijuanë, një aparat telefoni
celular, si dhe shuma e parave prej
3 700 lekësh. Policia tha se
materialet e përpiluara në
ngarkim të tij i kaluan Prokurorisë
së Rrethit Gjyqësor Tiranë, për
veprën penale të "Prodhimit dhe
shitjes së lëndëve narkotike".