Tiranë, kapet me 100 euro false

Një i ri është kapur me euro
dhe me lekë false, teksa
po qarkullonte në Tiranë. Burimet
policore të kryeqytetit
bënë të ditur se dje u dërguan
materialet në Prokurori, për
veprën penale të "falsifikimit
të monedhave", në ngarkim
të shtetasit Gentian Ramazan
Hysa, 19 vjeç, lindur dhe banues
në fshatin Hardhishte të
Durrësit. Ky person u dërgua
për ndjekje penale pasi në orën
15:00, është kapur në Rrugën e
Kavajës nga shërbimet e Komisariatit
nr. 2, me dy kartëmonedha
të prerjeve 100 euro dhe
njëmijë lekëshe, të dyshuara
si të falsifikuara. Policia tha se
materialet i kaluan prokurorisë
për veprime të mëtejshme.