Tirane, ujesjellesi: Problem pallatet e reja

Nje dite pasi Autoriteti Shendetesor Rajonal ka publikuar disa zona ku uji i pijshem rezulton me ndotje, ka reaguar Drejtoria e Ujesjellesit, duke ngritur si shqetesim pallatet e reja te cilat furnizohen me uje jashte sistemit te ujesjellesit.

“Neve nuk na rezulton asnje ankese ne ate zone per konsumatoret qe furnizohen nga sistemi. Nese flitet se keto zona mund t’i perkasin komunave ku shumica marrin uje nga puse-shpimet, kjo eshte gje tjeter”, ka deklaruar drejtori i ujesjellesit te Tiranes, Ferdinand Petrela.

Drejtoria e Ujesjellesit garanton konsumatoret per cilesine e ujit te pijshem, madje kerkon qe Drejtoria e Shendetit Publik te urdheroje uljen e dozes se klorit qe hidhet ne uje, pasi eshte e larte dhe shkakton arome te rende, cka ka shqetesuar edhe qytetaret.

“Uji ne Tirane e ka sasine e klorit 1 miligram per liter. Ne vazhdojme qe nga 22 korriku e deri me sot dhe mendoj se kjo sasi prej 1 miligram eshte dicka e tepert”, ka shtuar Petrela.

Petrela thote se shqetesim serioz vazhdon te jete rrjeti i amortizuar, i cili ne shume raste eshte shkak i ndotjes se ujit. Problem i madh mbetet edhe kapaciteti i vogel i sistemit ne disa zona ku ndertimet e pallateve vazhdojne pa bere me pare investime ne ujesjelles, problem ky qe shkakton mosfurnizimin e banoreve, sikunder ndodh ne zonen e Komunes se Parisit.