Tiranë, vritet një 32-vjeçar, plagosen dy të tjerë

Ekzekutohet në zonën e ish bllokut në Tiranë një 32 vjeçar dhe dy të tjerë mbetën të plagosur. Ngjarja ndodhi në një lokal rreth orës 22.00. Sipas policisë një person i armatosur ka ndaluar në afërsi të viktimave të cilët ishin ulur në tavolinën e lokalit të shoqëruar edhe me dy vajza. Në atë moment autori i këtij krimi i cili dyshohet se është rreth 25 vjeç, ka qëlluar me pistolet në drejtim të tavolinës duke lënë të vdekur në vend 32-vjeçarin Nadien Zeneli si dhe ka plagosur Taf Madri dhe Bledar Mihan. Menjëhërë në vendin e ngjarjes kanë mbërritur forcat e komisariatit nr2 ku kanë dërguar në spitalin ushtarak të Tiranës të plagosurit të cilët ndodhen jashtë rrezikut për jetën dhe në morgun e spitalit viktimën Nadien Zenelin. Ndërkohë që ende nuk dihen të sakta motivet që kanë çuar të riun ende të pa identifikuar të kryej këtë vrasje, por gjithsesi policia e kryeqytetit po heton në lidhje me këtë ngjarje. Nuk përjashtohet mundësia të jetë një grindje mes autorit dhe viktimës, por po hetohet edhe në pista të tjera.