Toka ne perdorim, si do kompensohet

Te gjithe ato subjekte, qe kane marre toke bujqesore ne perdorim, por qe vendndodhja e saj eshte ne zona urbane apo turistike, do te shpronesohen nga shteti, duke marre kompensim fizik. Keshilli i Ministrave miratoi dje ndryshimin e ligjit "Per kalimin ne pronesi, pa shperblim te tokes bujqesore", ku parashikohet qe kompensimi i perdoruesve te tokave do te realizohet ne tokat urbane, kjo "ne castin kur toka e tyre do te kaloje per kompensim fizik te subjekteve te shpronesuara, ose per ndertime publike". "Perdoruesit e tokave bujqesore brenda vijave kufizuese te qyteteve, fshatrave ose qendrave urbane, qe disponojne aktet e marrjes se tokes ne perdorim, te leshuara deri ne fund te muajit shkurt te vitit 1996, kompensohen me truall ne zonat urbane, ne castin qe toka e tyre do te kaloje per kompensimin fizik te subjekteve te shpronesuara, ose per ndertime publike", thuhet ne kete projektligj. Me pas, ne piken 3/1/a, eshte parashikuar se kompensimi ne truall per familjet me 6 anetare do te jete deri ne 500 m2, ndersa per familjet me me pak anetare do zbritet 100 m2, per cdo pjesetar me pak, kjo ne perputhje me te dhenat e regjistrat e gjendjes civile te dates 31.12.1995.
Kjo skeme perfshihet edhe per perdoruesit e tokes bujqesore brenda vijes kufizuese te zones me perparesi turizmin. "Kalimi i tokes se perdoruesve, per kompensim fizik, per subjektet e shpronesuara behet me vendim te Keshillit te Ministrave, ndersa kalimi i tokes se perdoruesve per ndertime publike behet sipas rastit, me vendim te Keshillit te Rregullimit te Territorit te Qarkut ose KRRT-se se Shqiperise, sipas kompetencave te percaktuara ne legjislacionin ne fuqi per urbanistiken", thuhet ne piken 3 te amendamentit. Vendi i kompensimit me truall per perdoruesit e tokes bujqesore percaktohet: "Ne zonat turistike bregdetare nga Ministria e Punes Publike dhe Ministria e Turizmit ne bashkepunim me organet e qeverisjes vendore ne territorin ku ndodhet toka, qe kalon per kompensim, sipas procedurave qe percaktohen nga qeveria". Ndersa ne zonat periferike te qyteteve dhe zonave urbane vendi i kompensimit me truall percaktohet nga Ministria e Puneve Publike, ne bashkepunim me organet e qeverisjes vendore, ku ndodhet toka e kaluar per kompensim, pas perfundimit te procesit te legalizimit nga ALUIZNI.