Tokat turistike, si humbi dekreti i Berishes

Zanafilla e problemeve te shkaktuara me tokat e ish-Ndermarrjeve Bujqesore te ndodhura ne zonat turistike apo urbane ka nisur me "humbjen" e dekretit te ish-presidentit te vendit, Sali Berisha ne vitin 1996. Me date 27 mars1996, Presidenti i atehershem, Berisha, ka firmosur dekretin nr. 1431 "Per nje ndryshim ne ligjin nr. 8053, date 21 dhjetor 1995 "Per kalimin ne pronesi pa shperblim te tokes bujqesore". Ky dekret ka pasur si qellim rregullimin e trajtimit te nje kategorie punonjesish te ish-Ndermarrjeve Bujqesore, te cilet kane marre toke ne perdorim, por kjo toke ndodhet brenda qendrave urbane ose ne zonat turistike. Sipas tij, keto familje perfitonin kompensim deri ne masen 1500 m2, ne rast se toka u merrej per kompensim fizik te ish-pronareve, si dhe per ndertime publike. Por, megjithese, ky dekret e ish-presidentit, rezulton te jete i kunderfirmuar edhe nga ish-kryeministri i asaj kohe, Aleksander Meksi dhe i botuar ne Fletoren Zyrtare Nr.8, te prillit 1996, ai nuk ka marre miratimin e Kuvendit.
Gjithcka eshte zbuluar nga nje paqartesi e Ministrise se Bujqesise, e cila pergatiti edhe projektligjin e ndryshuar. Duke mos pasur informacion e sakte, ministri i Bujqesise, Jemin Gjana, i drejtohet me nje shkrese zyrtare Kuvendit per verifikimin e procedures ligjore te miratimit te dekretit ne fjale. Cuditerisht, ky dekret eshte botuar ne numrin 8 te Fletores Zyrtare ne prill te vitit 1996, por ama nuk figuron te kete marre miratimin e Parlamentit. Pikerisht, ky mosmiratim ka krijuar pavlefshmerine ligjore te tij, cka shkakton mjaft pasoja me karakter te gjithanshem. Keshtu, ne pergjigjen zyrtare qe Kuvendi i kthen ministrit Gjana, thuhet se, "pasi u bene verifikimet ne arkivin e Kuvendit, u konstatua se ky dekret eshte depozituar me date 04 prill 1996 me numer prot. 511 i shoqeruar edhe me nje relacion te Keshillit te Ministrave". Gjithashtu, mesohet se ky dekret eshte kunderfirmuar nga Kryetari i Keshillit te Ministrave dhe eshte botuar ne Fletoren Zyrtare. Por, megjithese jane kaluar te gjitha procedurat ligjore, nuk ka asnje dokument qe te vertetoje se ky dekret eshte miratuar ne Kuvend. Lidhur me kete fakt ne shkresen e sekretarit te Pergjithshem te Parlamentit, Albert Kushi, thuhet se "nga verifikimet, nuk rezulton qe ky dekret te jete miratuar ne Kuvend, sic kerkohet nga neni 28, pika 19 e po ketij ligji".
Pikerisht, per kete arsye, si dhe per te shmangur problemet qe mund te lindin nga zbatimi i tij, Ministria e Bujqesise ka pergatitur nje nen shtese per kete ligj, ne menyre qe te rregulloje marredheniet mes paleve. Dje, Keshilli i Ministrave miratoi projektligjin per nje shtese ne ligjin nr. 8053, date 21/12/1995 "Per kalimin ne pronesi pa shperblim te tokes bujqesore". Ky projektligj percakton se qeveria do t'u marre tokat bujqesore perdoruesve qe t'i perdore per kompensimin fizik te ish-pronareve dhe ndertime publike. Tashme, projektligji ne fjale do te marre formen perfundimtare vetem pas miratimit te tij nga Parlamenti dhe botimi ne Fletoren Zyrtare.