Tokat, harta e re për Tiranën, Kukësin, Shkodrën, Lezhën, Vlorën dhe Korçën

Gazeta “standard” boton sot listën e hartës së re për vlerat e tokës në gjashtë qarqe të vendit. Qarqet janë Tirana, Kukësi, Shkodra, Lezha, Vlora dhe Korça. Sipas propozimeve aktuale, qeveria pritet të vendosë për çmimet e reja në këto qarqe. Propozimet janë bërë paralelisht nga dy agjenci të ndryshme, nga ajo e Kthimit dhe Kompensimit të Pronave dhe nga Drejtoria e Shoqërive Publike pranë Ministrisë së Financave, që merret me sondazhe për të nxjerrë vlerën e tregut. Këshilli i Ministrave do të vendosë për njërin nga propozimet në një nga mbledhjet e ardhshme të tij. Ajo që vihet re është fakti që në dy propozimet ka rritje të vlerës së tokës, duke marrë për bazë vlerën e trojeve dhe tokës sipas metodikës së tregut. Këto çmimeve të reja do të përdoren si për kthimin fizik, ashtu edhe për kompensimin financiar për ish-pronarët e tokave. Harta e re përdoret edhe për shpronësimet për qëllime publike që bën qeveria. Tirana, që është qarku më i madh, ka një ndryshim të ndjeshëm të të dyja propozimeve, si nga AKKP-ja, ashtu edhe nga DSHP-ja. Tirana është e ndarë në 11 zona dhe këto të fundit janë ndarë në nënzona. Çmimet më të larta janë në zonën e ish-bllokut dhe qendrën e Tiranës, të cilat kapin vlerat maksimale. Ndryshime ka edhe në rrethin e Kavajës, që ka një vlerë mesatare prej afërsisht 20 mijë lekësh për metër katror. Ndryshime ka edhe në qarkun e Korçës. Kështu në këtë qark nuk ka më vlera nën 20 mijë lekë për metër katror, ndërsa janë rritur vlerat edhe në periferi. Qyteti i Pogradecit, si zonë turistike, është vlerësuar ndjeshëm, duke kapur vlera deri në 27 mijë lekë për metër katror brenda qytetit. Vlerat kanë njohur rritje si nga AKKP-ja ashtu edhe nga DSHP-ja edhe për qarkun e Kukësit, ku në qendër të qytetit, vlerat arrijnë afërsisht 15 mijë lekë të reja për metër katror. Qarku i Lezhës ka vlerë maksimale deri në afërsisht 29 mijë lekë të reja për metër katror, ndërsa në qarkun e Shkodrës, vlerat kalojnë 30 mijë lekë për metër katrorë. Vlora, si qark turistik, ka rritje të vlerave të tokës, ku në qytet nuk ka vlerë më të ulët se 20 mijë lekë për metër katror, ndërsa në qendër arrin deri në 35 mijë lekë për metër katror. Rrethi i Sarandës ka një rritje të vlerës gjithashtu. Ndërkohë ditën e djeshme gazeta botoi listën e qarqeve edhe për gjashtë qarqet e tjera. Në qarkun e Beratit, çmimet variojnë nga 16.514 lekë për metër katror në 3.100 lekë për metër katror. Në qarkun e Dibrës çmimi për metër katror varion nga 23.054 lekë më i larti deri në 5.000 lekë për metër katror çmimi më i ulët. Sigurisht, në qarkun e Durrësit çmimet janë shumë herë më të larta se në qarqe të tjera. Çmimi më i lartë i propozuar është 44.604 lekë për metër katror. Në qarkun e Elbasanit ka një detajim me zona dhe qytete, ku çmimet e tokës variojnë shumë nga njëri-tjetri, ndërkohë që çmimi maksimal i propozuar nga AKKP-ja është 29.004 lekë për m2. Në qarkun e Fierit shifra maksimale kap çmimin 26.288 lekë për m2, ndërsa në qarkun e Gjirokastrës 22.659 lekë për m2 është çmimi më i lartë.

Tabelë përmbledhëse e vlerës së truallit

Qarku Rrethi / Qyteti Zona / Lagja “Nazmi Rushiti” Vlera e truallit sipas AKKP (lek/m2) Vlera e truallit sipas sondazheve te DSHP (lek/m2)

Korçë Korçë Zona “1” 27.350 27.000

Zona “2” 26.440 24.500

Zona “3” 24.804 20.000

Zona “4” 22.973 14.500

Zona “5” 18.737 10.000

Pogradec Zona “1” 27.177 16.500

Zona “2” 22.998 11.000

Zona “3” 22.189 5.000

Bilisht Zona “1” 2.756 2.500

Zona “2” 3.746 2.800

Maliq 2.402 1.900

Ersekë Zona “1” 1.483 850

Zona “2” 1275 650

Kukës Kukës Zona “1” 11.263 2.000

Zona “2” 13.887 3.500

Zona “3” 14.909 4.000

Zona “4” 14.421 4.500

Zona “5” 11.212 5.000

Zona “6” 18.165 5.500

Lezhë Lezhë L “Besëlidhja” 28.740 20.000

L “Gurra” 25.515 17.000

L “Skënderbeg” 28.438 18.000

L “Spitali - Varosh” 26.378 17.500

L “Kodër Marlekaj” 24.299 16.500

Shkodër Shkodër Zona “1” 31.753 24.000

Zona “2” 21.564 15.000

Zona “3” 13.429 8.500

Tiranë Tiranë Zona “1/1” 29.829 27500

Zona “1/2” 22.996 20500

Zona “2/1” 71.546 69200

Zona “2/2” 47.972 45600

Zona “2/3” 37.607 35300

Zona “2/4” 37.718 35400

Zona “2/5” 27.104 24700

Zona “3/1” 25.478 19200

Zona “3/2” 21.593 23100

Zona “4/1” 24.754 22400

Zona “4/2” 24.360 22000

Zona “5/1” 77.523 75100

Zona “5/2” 46.644 44300

Zona “5/3” 31.848 29500

Zona “5/4” 25.189 22800

Zona “6” 20.717 18300

Zona “7/1” 42.621 40300

Zona “7/2” 37.615 35500

Zona “7/3” 26.787 24400

Zona “7/4” 28.659 26300

Zona “8/1” 38.595 36300

Zona “8/2” 30.111 27700

Zona “8/3” 26.094 23600

Zona “9/1” 42.299 39000

Zona “9/2” 39.613 37200

Zona “9/3” 26.137 23800

Zona “10/1” 51.815 49500

Zona “10/2” 49.735 47400

Zona “10/3” 39.533 37200

Zona “11/1” 34.628 32300

Zona “11/2” 27.981 25600

Zona “11/3” 20.473 18100

Parku 46.382 44000

Kavajë Zona 1 18.030 16000

Zona 2 15.290 15000

Zona 3 20.974 18000

Zona 4 22.706 21500

Zona 5 15.763 14800

Zona 6 17.982 16700

Vlore Vlore L “1 Maji”, “Qeriba Derri” 22.748 10.000

L “24 Maji” 14.392 10.000

L “10 Korriku” 28.733 12.000

L “Pavarësia” 26.882 14.000

L “Uji I Ftohte” 27.741 15.000

L “Isa Boletini” 25.597 12.000

L “Lef Sallata”, “Rilindja” 36.403 12.000

L “28 Nëntori” 24.860 12.000

L “Dëshmoret” 29.842 12.000

L “Hajro Çakërri” 35.552 11.000

L “Osman Haxhiu” 25.152 10.000

L “15 Tetori” 26.625 10.000

L “Kushtrimi” 25.889 10.000

L “Partizani” 14.723 9.000

L “Lirimi” 24.539 9.000

L “Jalli”, “Narte” 22.232 10.000

L “4 Heronjtë” 21.054 10.000

Orikum 17.867 14.000

Sarandë Zona “1” 19.561 15.000

Zona “2” 25.479 15.000

Zona “3” 16.979 12.000

Zona “4” 17.427 12.000