Topalli shtyn dekretet per Kushtetuesen. Mazhoranca e pasigurt per numrat ne Kuvend

Parlamenti thyen rregulloren per dekretet e Presidentit mbi Gjykaten Kushtetuese. Kater dekretet nuk jane perfshire sot ne rendin e dites ne Parlament duke shkaktuar debat edhe ne konferencen e kryetareve mes socialisteve dhe demokrateve. Partia Demokratike eshte stepur nga ideja per te votuar dekretet per Gjykaten Kushtetuese sot duke pritur zhvillimet e reja politike ne javet ne vazhdim. Burime prane Kuvendit bejne me dije se votimi per kater anetaret e Kushtetueses nuk do te zhvillohet sot per shkak te nje vizite qe do te zhvillojne ne Tirane disa eurodeputete. Perpos kesaj burime nga Kuvendi sqarojne se rregullorja nuk thyhet perderisa ne Gjykaten Kushtetuese eshte dorezuar nje kerkese nga 28 deputete demokrate per interpretimin e nenit 125 dhe 134 te Kushtetutes per emerimin e anetareve te Gjykates Kushtetuese dhe Gjykates se Larte. Partia Socialiste nga ana tjeter ka marre vendimin ne grupin parlamentar se ne rast se dekretet perfshihen ne rendin e dites atehere socialistet do te marrin pjese ne votim. Ne kete rast Partia Demokratike nuk ka forcen e numrave per te rrezuar tre nga kater dekretet e Presidentit ashtu sic veproi ne Komisionin e Ligjeve. LSI-ja ka paralajmeruar voten e saj abstenim ne Komisionin e Ligjeve duke i paraprire qendrimit te saj edhe ne Parlament. Pa Levizjen Socialiste per Integrim Partia Demokratike ka 68 vota te sajat ne Kuvend te pamjaftueshme ne rast se opozita merr pjese ne votim. E gjithe kjo loje e ka bere mazhorancen te ndryshoje kursin dhe te thyeje cdo rregullore te Parlamentit.

Jozefina Topalli dhe Gramoz Ruci jane perplasur dje ne mbledhjen e konferences se kryetareve per kalendarin e punimeve. Kreu i grupit parlamentar socialist Gramoz Ruci ka kerkuar te njihet me kalendarin kater dite perpara mbledhjes se konferences. Kryetarja e Kuvendit per te sheshuar situaten i eshte pergjigjur se per dy minuta ta lexoj une ty. Ke kohe deri neser paradite per ta pare. Numri dy i PS-se Gramoz Ruci i eshte pergjigjur se lsquoneser nuk vijme fare ne. Nderhyrja e kryetarit te grupit kuvendor demokrat Astrit Patozi ka sheshuar grindjet Ruci-Topalli ndersa gjate fjales se tij Patozi i kujtoi edhe nje here opozites ne konference te kryetareve se mazhoranca i ofron PS-se zgjedhjen e kreut te Avokatit te Popullit. Por edhe pas kesaj oferte numri dy i selise roze nuk eshte terhequr dhe nuk ka ndryshuar qendrim duke thene se duam me pare zgjedhjen e krizes politike. Tensionet mes demokrateve dhe socialisteve nuk jane sheshuar as per miratimin e kalendarit trejavor per te cilin pati serish ankesa nga opozita lidhur edhe me vendimin per vendosjen e kasave fiskale i cili duhet te marre voten nga Parlamenti brenda afatit trejavor.