Topi takon perfaqesues te TIA-s Situata e tensionuar nga dhuna verbale
Presidenti i Republikes Bamir Topi ka pritur ne nje takim te vecante perfaqesues shqiptare te Organizates boterore kunder korrupsionit Transparency International. Gjate takimit Topi duke folur fillimisht per gjendjen aktuale politike ne vend dhe fushaten e zgjedhjeve vendore ka nenvizuar rendesine e berjes transparente te financimeve te partive politike dhe fushates ne perputhje dhe zbatim te ligjit. Presidenti apeloi edhe njehere per nevojen e realizimit me sukses te ketyre zgjedhjeve permes nje procesi te drejte e korrekt zgjedhor dhe sipas standardeve demokratike duke konsideruar si te domosdoshme prezantimin e alternativave bindese ne sherbim te qytetareve dhe uljen e tensioneve te panevojshme.
Topi theksoi nevojen e shmangies se dhunes fizike gjate fushates zgjedhore duke thene se kjo vjen natyrshem pas dhunes verbale te perdorur nga disa kandidate sepse pergjegjesia e plote per keto do te bjere vetem mbi partite politike dhe perfaqesuesit e tyre.
Perfaqesuesit e Transparency International Albania nisur nga raportet tashme te hartuara prej tyre mbi gjendjen e financimeve te partive politike vleresuan ndryshimet ne ligjin mbi partite politike kryesisht per financimet por theksuan se keto ndryshime ende nuk japin garancine e transparences se kerkuar per burimet financiare te partive politike sidomos gjate fushatave zgjedhore.
Ata e informuan Presidentin mbi faktin se ne zgjedhjet aktuale vendore vetem Transparency International do te kete raport monitorues kurse procesin e transparences zgjedhore do ta ndjekin indirekt edhe organizata te tjera.