Tornado godet një qytet në Rusi
Nga Express më 01 gusht 2011 në ora 19:45
Një person ka gjetur vdekjen dhe rreth 30 të tjerë janë lënduar në një tornado që ka goditur pjesën lindore të Rusisë, ku autoritetet lokale kanë shpallur gjendjen e jashtëzakonshme.
Tornado ka goditur gjatë natës së kaluar qytetin Blagoveshqensk, me ç’rast janë dëmtuar rreth 100 shtëpi dhe automobila.
Mediat ruse njoftojnë të hënën se autoritetet e rajonit Amur kanë shpallur gjendjen e jashtëzakonshme për të lehtësuar punën e ekipeve shpëtimtare.
Autoritetet vlerësojnë se tornado ka shkaktuar dëme në vlerë tre milionë dollarë.
Tornadot janë fenomene të rralla në Rusi, ndërsa meteorologët rusë thonë se kjo është hera e parë që një tornado godet një qytet rus.