Tradita kulturore shqiptare, në ditët e Festivalit të Beratit 2010

Nga data 1 deri më 9 maj në qytetin e Beratit po zhvillohet një eveniment i rëndësishëm për kulturën shqiptare. Nën titullin Festivali i Beratit 2010 për publikun vijnë perla të folklorit shqiptar por dhe shumë elementë të tjerë të traditës. Ky eveniment vjen dhe falë

stinës së evenimenteve të pranverës italiane që zhvillohen në vendin tonë. Ndërkohë që organizatorët e stinës së enteve italiane në vendin tonë, të cilët kanë ofruar mbështetjen e tyre për këtë festival e kanë cilësuar si shumë të rëndësishëm këtë aktivitet, duke përshëndetur dhe kthimin e tij në një traditë të përvitshme. Berati, sikundër Gjirokastra dhe Butrinti, tashmë të shpallura nga UNESCO si pasuri botërore të mbarë njerëzimit, kanë qenë dhe janë prioritete absolute në proceset e hartimit të strategjive, planifikimit të investimeve, si dhe të thithjes dhe orientimit të ndihmës së huaj. Inaugurim zyrtar i festivalit të Beratit u bë nga ambasadori i Italisë, por dhe në prani të autoriteteve shqiptare. Kalaja e Berati ishte vendi i parë që nisën aktivitetet, me koncertin e Qendrës Kulturore Berat me pjesëmarrjen e Ardjan Trebickës, ndërkaq që aktivitete të tjera janë dhe inaugurim i Shkollës Pranverore dhe të Verës, koncert i këngëtarit Sherif Merdani, më 2 maj hapja e konkursit "Guri dhe inteligjenca e duarve", koncerti i grupit koral Tiranë, po ashtu dhe panairi i Beratit, konferenca Kush është e ardhmja e Beratit, etj. Ndërkohë që dhe gjatë këtyre ditëve për publikun po vijojnë aktivitetet kulturore. Nisja e stinës së madhe të eventeve të quajtur Italia dhe Shqipëria 2010-Dy popuj, një det, një miqësi ka sjellë shumë aktivitete kulturore në vendin tonë.

Last Updated on E Merkure, 05 Maj 2010 20:05