Trafiku Shqiperi-Greqi, kapet i treti i 40 kg droge

Policia e Gjirokastres ka ndaluar dje nje person te denuar nga Gjykata e Krimeve te Renda me 5 vjet heqje lirie per vepren penale "trafikimit te narkotikeve". Burime zyrtare bene me dije se duke u zbardhur dita e shtune, specialistet e Seksionit te Luftes Kunder Droges kapen 19-vjecarin Kastriot Llupi. "Ndalimi i tij u be pasi Gjykata e Shkalles se Pare per Krimet e Renda Tirane, ne daten 25 shkurt 2009, e ka denuar me 5 vjet burg", njoftoi policia vendore. I ndaluari Llupi, se bashku me dy persona te tjere, mbremjen e dates 20 shkurt 2008, ka tentuar te trafikoje ne drejtim te Greqise 40 kg marihuane. "Gjate operacionit policor per goditjen e ketij rasti te trafikimit te lendeve narkotike jane ndaluar dy personat e tjere, nderkohe qe Llupi ka mundur t'i shpetoje aksionit", sqaruan burime zyrtare. Pas punes se bere nga policia per te vertetuar provat se edhe ai ishte pjese e ketij rrjeti te trafikut te lendeve narkotike, ndalimi u krye ne baze te informacioneve te marra ne rruge operative per vendndodhjen e te dyshuarit.

B. Kore