Tragjedia, lumi "Tisa" nxjerr në breg pesë kufoma
Autoritetet serbe konfirmuan gjetjen edhe të dy viktimave të tjera, që dyshohet se kanë lidhje me tragjedinë në lumin Tisa. Ndërsa në Prishtinë është varrosur viktima e parë e kësaj tragjedie, 23-vjeçarja Elvira Jaha, e cila, bashkë me një grup kosovarësh, u përpoq të kalonte ilegalisht kufirin mes Serbisë dhe Hungarisë, kur barka e tyre u përmbys në lumin Tisa.
Gjykatësi hetues i Serbisë, Erne Berenji, i tha radios "Europa e Lirë" se viktimat e reja janë gjetur në territorin serb. "Dje kemi gjetur edhe dy të vdekur, një vajzë rreth 10 vjeçe. Nuk kemi të dhëna për të. Kemi gjetur edhe një mashkull 25-30 vjeç. Deri tani janë gjetur vetëm katër trupa nga ana e territorit tonë", saktësoi ai.
"Diçka është gjetur edhe nga ana e Hungarisë, dikush thotë një, dikush thotë ndryshe, por ne mund të flasim vetëm për atë që është gjetur në territorin tonë", tha Berenji. Ai nuk e bëri të ditur identitetin e viktimave të fundit, por shtoi se identifikimi i tyre po bëhet nga vetë familjarët.
"Të afërmit vijnë te ne dhe të afërmit i identifikojnë trupat", tha Erne Berenji, duke shpjeguar se identifikimi bëhet më i vështirë, për shkak të mungesës së dokumenteve identifikuese të viktimave.
Nga katër viktimat e gjetura në Serbi, sipas gjykatësit hetues, vetëm dy kishin me vete dokumente identifikuese.
Me këto viktima, numri i të vdekurve në tragjedinë në Tisë shkon në pesë persona, katër nga të cilët janë gjetur në Serbi dhe një në Hungari. Ndërsa, konsiderohen të zhdukur edhe 11 kosovarë. Tre nga personat në barkë kanë shpëtuar.
Zëdhënësi i policisë hungareze në Segedin, Szenti Sabolç, tha se Hungaria po vazhdon hetimet, edhe pse tashmë i ka ndërprerë kërkimet për trupat në lumin Tisa. "Hungaria po zhvillon hetime për trafikim të qenieve njerëzore. Deri tani nuk kemi ndonjë të dyshuar. Por, këto hetime ende po vazhdojnë me partnerët tanë serbë. Në Hungari, deri më tash, nuk është askush i arrestuar. Nuk kemi të dyshuar në lidhje me këtë rast", tha Sabolç.
Ndërkohë, në Prishtinë, autoritetet e rendit thonë se janë duke vazhduar hetimet në disa drejtime për tragjedinë në lumin Tisa të Hungarisë.
Baki Kelani, zëdhënës i Policisë së Kosovës, nuk e konfirmoi numrin e viktimave. "Ne ende nuk mund ta bëjmë të ditur një numër të saktë apo të konfirmojmë diçka, meqë nuk kemi dokumentacion zyrtar përfundimtar të autoriteteve përkatëse të Hungarisë apo të autoriteteve të Serbisë", theksoi Kelani.
Me Hungarinë, Kosova po bashkëpunon në rrugë direkte, me Serbinë, informacionet po shkëmbehen përmes EULEX-it.
Të hënën, EULEX-i ka konfirmuar se një person është dorëzuar vullnetarisht në Policinë e Kosovës, duke pranuar përfshirjen e tij në rastin e lumit Tisa. Ai i ka thënë policisë se u ka marrë familjeve që ishin kontrabanduar përtej kufijve nga 6 deri në 8 mijë euro. Ky person, sipas policisë, momentalisht gjendet në liri.
Gjykatësi hetues i Serbisë, Erne Berenji, i tha radios "Europa e Lirë" se viktimat e reja janë gjetur në territorin serb. "Dje kemi gjetur edhe dy të vdekur, një vajzë rreth 10 vjeçe. Nuk kemi të dhëna për të. Kemi gjetur edhe një mashkull 25-30 vjeç. Deri tani janë gjetur vetëm katër trupa nga ana e territorit tonë", saktësoi ai.
"Diçka është gjetur edhe nga ana e Hungarisë, dikush thotë një, dikush thotë ndryshe, por ne mund të flasim vetëm për atë që është gjetur në territorin tonë", tha Berenji. Ai nuk e bëri të ditur identitetin e viktimave të fundit, por shtoi se identifikimi i tyre po bëhet nga vetë familjarët.
"Të afërmit vijnë te ne dhe të afërmit i identifikojnë trupat", tha Erne Berenji, duke shpjeguar se identifikimi bëhet më i vështirë, për shkak të mungesës së dokumenteve identifikuese të viktimave.
Nga katër viktimat e gjetura në Serbi, sipas gjykatësit hetues, vetëm dy kishin me vete dokumente identifikuese.
Me këto viktima, numri i të vdekurve në tragjedinë në Tisë shkon në pesë persona, katër nga të cilët janë gjetur në Serbi dhe një në Hungari. Ndërsa, konsiderohen të zhdukur edhe 11 kosovarë. Tre nga personat në barkë kanë shpëtuar.
Zëdhënësi i policisë hungareze në Segedin, Szenti Sabolç, tha se Hungaria po vazhdon hetimet, edhe pse tashmë i ka ndërprerë kërkimet për trupat në lumin Tisa. "Hungaria po zhvillon hetime për trafikim të qenieve njerëzore. Deri tani nuk kemi ndonjë të dyshuar. Por, këto hetime ende po vazhdojnë me partnerët tanë serbë. Në Hungari, deri më tash, nuk është askush i arrestuar. Nuk kemi të dyshuar në lidhje me këtë rast", tha Sabolç.
Ndërkohë, në Prishtinë, autoritetet e rendit thonë se janë duke vazhduar hetimet në disa drejtime për tragjedinë në lumin Tisa të Hungarisë.
Baki Kelani, zëdhënës i Policisë së Kosovës, nuk e konfirmoi numrin e viktimave. "Ne ende nuk mund ta bëjmë të ditur një numër të saktë apo të konfirmojmë diçka, meqë nuk kemi dokumentacion zyrtar përfundimtar të autoriteteve përkatëse të Hungarisë apo të autoriteteve të Serbisë", theksoi Kelani.
Me Hungarinë, Kosova po bashkëpunon në rrugë direkte, me Serbinë, informacionet po shkëmbehen përmes EULEX-it.
Të hënën, EULEX-i ka konfirmuar se një person është dorëzuar vullnetarisht në Policinë e Kosovës, duke pranuar përfshirjen e tij në rastin e lumit Tisa. Ai i ka thënë policisë se u ka marrë familjeve që ishin kontrabanduar përtej kufijve nga 6 deri në 8 mijë euro. Ky person, sipas policisë, momentalisht gjendet në liri.