Trajneri: "Hamdi Salihi më premtoi, nuk largohet"

 

Është kohë merkatoje dhe transferimet e lojtarëve janë një realitet apo dhe një mundësi reale. Ndërsa skuadra austriake, SV Ried, është duke humbur pas sezonesh aktivizim mesfushorin Evald Brener, trajneri Paul Gludovatz shprehet i lumtur dhe i bindur për mediat vendase, se sulmuesi shqiptar Hamdi Salihi nuk do ta braktisë skuadrën në kërkim të një sistemimi të ri: "Hamdiu ma ka theksuar fort, që ai dëshiron të qëndrojë patjetër me ne". Salihi shënoi 14 gola sezonin e kaluar me SV Ried, duke qenë njëherësh edhe lojtari më produktiv në skuadër. Ndërkaq, edhe vetë sulmuesi shkodran ka thënë se i ka bërë një premtim klubit, se pa miratimin e drejtuesve nuk do të hyjë në bisedime me skuadra të tjera. Për bomberin shkodran të përfaqësueses shqiptare interesohen disa klube qipriote, por edhe skuadra nga Austria.