Trajneri Lipi është i kënaqur me Italinë e tij në pragsfidën me Greqinë

Romë (Start)- Trajneri i kampionëve të botës, Marçelo Lipi, duket mjaft i kënaqur nga dita e parë e stërvitjes së ekipit të tij. Përfaqësuesja “Axurre” është duke u përgatitur në prag të ndeshjes miqësore me Greqinë. Tekniku italian zhvilloi dy seanca ditën e djeshme, ku në njërën zhvilloi ushtrime fizike, dhe në tjetrën ushtroi disa lëvizje taktike.

Në përfundim të seancave, mjeku i përfaqësueses, Enriko Kastelaci, mori për kontroll në klinikën e tij tre nga futbollistët italianë. Futbollistët: De Sanctis, Perrota dhe Gatuzo, i janë nështruar vizitave të tij. Sipas informacioneve të fundit lojtarët do të jenë plotësisht të gatshëm për trajnerin Lipi.