Tre aksidente, vdes e moshuara
Durres- Tre aksidente ne Durres dhe Lezhe kane shkaktuar vdekjen e nje te moshuare dhe plagosjen e dy personave te tjere. Policia nisi hetimet dhe shpalli ne kerkim drejtuesin e mjetit qe shkaktoi viktimen e dites se djeshme ne zonen e Fushe-Krujes, ne autostrade. Ngjarja ka ndodhur rreth ores 11:00, kur nje mjet i paidentifikuar ka aksidentuar me vdekje Sulltane Himen, 61 vjece, banuese ne fshatin Borizane te Krujes. Burime zyrtare thane se nisen hetimet per vepren penale te "shkeljes se rregullave te qarkullimit rrugor"dhe "largim nga vendi i aksidentit". Nderkohe qe po dje eshte ndaluar edhe nje shofer i kerkuar per aksidentimin me vdekje te Bardhok Lukes ne superstrade. Burime zyrtare thane se i arrestuari eshte Valentin Gedhati, 32 vjec, nga fshati Balldren i Lezhes. Rrugoret nisen edhe procedimin penal ne gjendje te lire ndaj Ndricim Dervishit, lindur dhe banues ne Katund Sukth, pasi rreth ores 17:00, ne fshatin Sallmone te Shijakut, duke drejtuar makinen e tij tip "Golf" me targe DR 2539 B eshte perplasur me nje automjet tjeter tip "Ford" me targe DR 8125 C, me drejtues Bajram Vezin 65 vjec. Si pasoje e kesaj perplasjeje eshte demtuar Drita Vezi, 60 vjece, e cila ndodhet ne Spitalin e Durresit, jashte rrezikut per jeten. Gjithashtu demtime ka pesuar edhe drejtuesi i mjetit Ndricim Dervishi, qe sipas policise mendohet se kishte konsumuar sasi alkooli tej normave te lejuara.