Turqi, Obama viziton xhaminë Blu

Në vizitën e tij të parë në një vend me shumicë myslimane, presidenti Barack Obama në ditën e dytë të vizitës së tij në Turqi sot vizitoi xhaminë Blu në Stamboll. Presidenti Obama edhe një herë tregoi se i respekton ritet fetare duke hequr këpucët në xhami. Dje Omana deklaroi në parlamentin e Turqisë se Shtetet e Bashkuara nuk ishin në luftë me fenë islame. Ai bëri thirrje për një partneritet më të madh mes Amerikës dhe botës myslimane. Ai tha se Amerika dëshironte një angazhim më të gjerë me myslimanët, mbështetur në interesat dhe respektin e përbashkët.