U kapen 15 kg droge

Operacionet antidroge jane kthyer ne nje rutine per policine shqiptare. Vetem ne portin e Durresit gjate nje kontrolli, policia e ketij komisariati ka mundur te ndaloje dy dite me pare nje kosovar, i cili ka pasur ne makinen me te cilen udhetonte 10 pako me lende te dyshuar si heroine. Saed Qorolli, 30 vjec, lindur e banues ne Kosove, perpiqej te udhetonte drejt Italise me 5 kg droge. Policia tha se arrestimi i tij eshte bere per vepren penale te "trafikut nderkombetar te lendeve narkotike". Qorolli u ndalua ne Piken e Kontrollit Fizik te Mjeteve ne Sheshin e Trageteve te Portit Detar Durres. Pas dyshimeve nga specialistet e Krimit te Organizuar dhe te Policise Kufitare, eshte ushtruar nje kontroll i imtesishem i automjetit tip "Opel", me targa zvicerane BE 577508, nga i cili rezultoi se ky person kishte te fshehur ne serbator 10 pako te mbeshtjella me natriban, me peshe totale 5,124 kg, heroine. Nderkohe qe edhe ne Tirane jane sekuestruar 11 kilogram kanabis sativa, si dhe eshte arrestuar poseduesi i lendes narkotike. Operacioni i koduar "Qafe Shtama", bllokoi ne afersi te kryqezimit "Siri Kodra" ne kryeqytet lenden narkotike te dyshuar si kanabis, e cila dyshohet se i perket Shefqet Muratit, 30 vjec, banues ne Noj te Krujes, i cili u ndalua. Operacioni i seksionit kunder droges prane policise se Tiranes, u krye te premten rreth ores 21:00 ne automjetin me targa te huaja te 30-vjecarit Murati.