U mbyt ne Seman gjate gjuetise, familjaret, apel per gjetjen e trupit

FIER- Nuk ka mjaftuar dhimbja per humbjen e djalit te tyre, por tashme nuk mund te gjejne dot as trupin e tij, qe u rrembye mesditen e se dieles nga ujerat e lumit Seman te Fierit, gjate kohes qe kishte dale per gjueti me te atin. Familjaret e te zhdukurit Erjon Korobaci 30-vjec, fajesuan dje policine vendore per neglizhence, ne kerkimet per gjetjen e trupit te te riut, kurse palombaret as qe jane dukur fare sipas tyre per misionin humanitar, sic ua percakton edhe detyra. Madje te vendosur pergjate rruges kombetare Fier-Lushnje, ata kane bllokuar qarkullimin per disa minuta, me qellim qe te sensibilizonin opinionin dhe policine vendore qe t'i ndihmonte me kerkimet pergjate rrjedhes se lumit Seman. Policia reagoi duke deklaruar se kane nisur kerkimet per trupin menjehere pasi u njoftuan nga familjaret per humbjen e te riut dhe disa palombare po kryejne zhytje, por kerkimet veshtiresohen nga moti, temperaturat dhe prurjet e lumit. Gjithsesi te afermit kerkuan ndihmen e autoriteteve per te gjetur dhe me pas percjelle per ne banesen e fundit trupin e 30-vjecarit gjuetar. Erjon Korobaci kishte dale mengjesin e se dieles se bashku me babane per te gjuajtur pergjate rrjedhes se lumit dhe pyllit te Semanit. Ne nje moment ai eshte afruar per te kapur nje prej shpendeve te vrare, por ka rene brenda dhe nuk ka dale me me gjithe perpjekjet e te atit per ta shpetuar. Babai ka dhene alarmin tek banoret dhe policia, por deri diten e djeshme nuk u be e mundur te gjendej trupi.
Shkaqet
Temperaturat e uleta dhe uji i ftohte e i rrembyeshem, jane bere shkak per vdekjen e 30-vjecarit gjuetar, qe nuk perballoi dot rrymat e fuqishme te lumit Seman. Diten e djeshme familjaret shprehen pakenaqesine e tyre, per neglizhencen e autoriteteve policore ne kerkimet per gjetjen e trupit te te riut.