Vendi i punes, mjeket cdo tre vjet ne testime
Te gjithe mjeket, qe deri tani jane mjaftuar me pervojen e tyre, do te testohen cdo tre vjet, per te treguar nese jane te afte te ushtrojne profesionin e tyre. Keto jane standardet e reja qe, sipas profesor Isuf Kalo, po pergatit qendra qe ai drejton, ne menyre qe t’u ofroje pacienteve nje sherbim sa me te mire mjekesor. Por, ne site do te kalojne edhe mjeket e huaj, qe ushtrojne aktivitet ne vendin tone. “Testimi dhe matja e njohurive nuk do te jete vetem per mjeket e rinj, por edhe per ata qe kane nje jete me diplomen e mjekut. Ata do te licencohen nje here ne tre vjet per njohurite qe kane dhe ne baze te aktiviteteve dhe konferencave qe do te ndjekin apo do te japin”, deklaroi dje Kalo. Pas testimit dhe licencimit te mjekeve, Qendra e Akreditimit do te vendose standardet dhe kriteret per spitalet. Keto spitale do te akreditohen fillimisht duke dhene ato cka arrijne dhe me pas do te jene kriteret qe do te vendosin per cilesine e tyre. Duke kerkuar bashkepunimin e mediave per pasqyrimin e drejte te ngjarjeve dhe respektimin e privatesise se pacienteve dhe diagnozave te tyre, apo ruajtjen e etikes profesionale, Kalo theksoi se shume shpejt standardet do te vendosen kudo. Pra, si ne spital publik, por edhe ne sektorin privat, ne laboratore, klinik stomatologjike, apo ne qendrat e kujdesit paresor.
Mjeket e rinj, qe sapo dalin nga auditoret e fakultetit, nuk do te kene me te drejten te japin receta per te semuret. Se paku 6 muaj, ai duhet te beje stazh nen mbikeqyrje dhe me pas te marre certifikim. Keto jane standarde qe, sipas profesor Isuf Kalos, po pergatit qendra qe ai drejton. “Sot nje student pas marrjes se diplomes ka te drejten e ushtrimit te profesionit, duke kryer vizite dhe duke leshuar recete. Por kjo nuk eshte aspak e besuar per nje pacient, keshtu qe ne kemi propozuar te tjera kritere, si stazhi per 6 muaj dhe mbikeqyrje”, ka pohuar drejtori i Qendres se Akreditimit, Isuf Kalo. Sipas tij, pas kryerjes se ketij stazhi do te kete edhe nje rivleresim te dyte te mjekeve nga nje komision i posacem.