UNMIK-u gati të ndërmjetësojë bisedimet Prishtinë-Beograd

Qëndrimin e UNMIK-ut e bëri të ditur zëdhënësi i Kombeve të Bashkuara në Kosovë, Rasel Giki. Ai theksoi se UNMIK-u përkrah dhe mbështet bisedimet e depolitizuara për çështjet teknike, por ka shtuar se natyra e bisedimeve varet nga Prishtina dhe Beogradi.

Gjithashtu, Giki deklaroi se Kombet e Bashkuara mbështesin rolin që Bashkimi Evropian mund të ketë, kur bëhet fjalë për bisedimet mbi perspektivën evropiane të rajonit.