Uidhers: “Shqipëria, shumë shpejt anëtare e NATO-s”
Ambasadori Amerikan pret trupat shqiptare të misionit “Liria e Irakut”. Kryeministri Berisha: “Do të bashkëpunojmë me Obamën, ashtu si me Bushin”
Ambasadori Amerikan në Tiranë, Xhon Uidhers, deklaroi dje se Shqipëria do të bëhet shumë shpejt anëtare më të drejta të plota e NATO-s. Këtë deklaratë kryediplomati amerikan e bëri gjatë fjalës së mbajtur në ceremoninë e pritjes së trupave ushtarake shqiptare që kanë shërbyer në misionin paqeruajtës “Liria e Irakut” në Mosul dhe në Bagdat. Në fjalën përshëndetëse, Uidhers shprehu vlerësimet më të mira të qeverisë amerikane për trupat ushtarake shqiptare që kanë luftuar krah trupave amerikane në Mosul e Bagdat. Ndërsa kryeministri Berisha, nga ana e tij, deklaroi se qeveria shqiptare do të vazhdojë me qeverinë e presidentit të ri amerikan Barak Obama njëlloj siç ka bashkëpunuar dhe me qeverinë e presidentit aktual, Xhorxh Bush.
Uidhers
Ambasadori i Shteteve të Bashkuara të Amerikës, Xhon Uidhers, i pranishëm në këtë ceremoni, e vlerësoi si një kënaqësi të veçantë të dëshmosh që ushtarët shqiptarë të sapokthyer nga shërbimi në Irak kanë përmbushur detyrën e tyre me nder dhe janë kthyer pranë familjeve të tyre. “Ju sjell sot falënderimet e qeverisë amerikane për ndihmën e dhënë për vendosjen e paqes dhe lirisë në një tokë të largët. Sot ju përcjell respektin e kombit amerikan për kurajën e treguar në sy të rrezikut dhe për sakrificat e bëra duke qëndruar kaq larg familjeve dhe shtëpive tuaja. Sot ju shpreh mirënjohjen e përzemërt të popullit amerikan, pasi keni qenë gjithmonë miq të Amerikës kur ajo ka pasur nevojë dhe unë shoh përpara drejt asaj dite që nuk është shumë e largët më kur ju të qëndroni përkrah nesh si anëtarë të NATO-s”, - u shpreh ndër të tjera ambasadori i SHBA-ve në Tiranë.
Berisha
Kryeministri Berisha, pasi i uroi trupat ushtarake shqiptare për përmbushjen me sukses të misionit të tyre dhe kthimin faqebardhë në atdhe, vlerësoi se prania e ushtarëve shqiptarë në Irak ishte para së gjithash simbol i respektit, mirënjohjes dhe miqësisë që shqiptarët ndiejnë ndaj një kombi të madh, kombit amerikan, qeverisë amerikane dhe presidentit Bush. Kryeministri u shpreh më tej se më shumë se çdo gjë tjetër ky mision ka shtuar solidaritetin dhe miqësinë me Shtetet e Bashkuara të Amerikës, por edhe me Irakun, që po ndërton sistemin e tij demokratik. Kryeministri Berisha shprehu angazhimin e plotë për vazhdimësinë e bashkëpunimit të shkëlqyer me Shtetet e Bashkuara të Amerikës dhe me presidentin e zgjedhur Barak Obama. “Misioni juaj ishte një mision i bekuar, të tilla janë të gjitha misionet e paqes, i tillë është misioni që vëllezërit tuaj kryejnë në Afganistan, në Çad e kudo gjetiu. Por ky mision kishte një specifikë tjetër të madhe. Ju atje shkuat së bashku me trupat e ushtrisë amerikane, të ushtrisë më të shkëlqyer të planetit. Prania juaj ishte para së gjithash simbol i respektit, i mirënjohjes, i miqësisë që shqiptarët ndiejnë ndaj një kombi të madh, ndaj qeverisë amerikane dhe presidentit Bush. Bashkëpunimin e shkëlqyer që ne kemi pasur me Presidentin e Shteteve të Bashkuara Xhorxh Bush do ta vazhdojmë me presidentin e zgjedhur Barak Obama në të gjitha rastet, në të gjitha frontet që të jetë e nevojshme”, - u shpreh kryeministri Berisha. Në këtë ceremoni merrnin pjesë kryetarja e Kuvendit, Jozefina Topalli, ministri i Mbrojtjes, Gazmend Oketa, shefi i Shtabit të Përgjithshëm, Maksim Malaj, si dhe drejtues të tjerë të lartë të Ushtrisë.
28 Dhjetor 2008
Ambasadori Amerikan në Tiranë, Xhon Uidhers, deklaroi dje se Shqipëria do të bëhet shumë shpejt anëtare më të drejta të plota e NATO-s. Këtë deklaratë kryediplomati amerikan e bëri gjatë fjalës së mbajtur në ceremoninë e pritjes së trupave ushtarake shqiptare që kanë shërbyer në misionin paqeruajtës “Liria e Irakut” në Mosul dhe në Bagdat. Në fjalën përshëndetëse, Uidhers shprehu vlerësimet më të mira të qeverisë amerikane për trupat ushtarake shqiptare që kanë luftuar krah trupave amerikane në Mosul e Bagdat. Ndërsa kryeministri Berisha, nga ana e tij, deklaroi se qeveria shqiptare do të vazhdojë me qeverinë e presidentit të ri amerikan Barak Obama njëlloj siç ka bashkëpunuar dhe me qeverinë e presidentit aktual, Xhorxh Bush.
Uidhers
Ambasadori i Shteteve të Bashkuara të Amerikës, Xhon Uidhers, i pranishëm në këtë ceremoni, e vlerësoi si një kënaqësi të veçantë të dëshmosh që ushtarët shqiptarë të sapokthyer nga shërbimi në Irak kanë përmbushur detyrën e tyre me nder dhe janë kthyer pranë familjeve të tyre. “Ju sjell sot falënderimet e qeverisë amerikane për ndihmën e dhënë për vendosjen e paqes dhe lirisë në një tokë të largët. Sot ju përcjell respektin e kombit amerikan për kurajën e treguar në sy të rrezikut dhe për sakrificat e bëra duke qëndruar kaq larg familjeve dhe shtëpive tuaja. Sot ju shpreh mirënjohjen e përzemërt të popullit amerikan, pasi keni qenë gjithmonë miq të Amerikës kur ajo ka pasur nevojë dhe unë shoh përpara drejt asaj dite që nuk është shumë e largët më kur ju të qëndroni përkrah nesh si anëtarë të NATO-s”, - u shpreh ndër të tjera ambasadori i SHBA-ve në Tiranë.
Berisha
Kryeministri Berisha, pasi i uroi trupat ushtarake shqiptare për përmbushjen me sukses të misionit të tyre dhe kthimin faqebardhë në atdhe, vlerësoi se prania e ushtarëve shqiptarë në Irak ishte para së gjithash simbol i respektit, mirënjohjes dhe miqësisë që shqiptarët ndiejnë ndaj një kombi të madh, kombit amerikan, qeverisë amerikane dhe presidentit Bush. Kryeministri u shpreh më tej se më shumë se çdo gjë tjetër ky mision ka shtuar solidaritetin dhe miqësinë me Shtetet e Bashkuara të Amerikës, por edhe me Irakun, që po ndërton sistemin e tij demokratik. Kryeministri Berisha shprehu angazhimin e plotë për vazhdimësinë e bashkëpunimit të shkëlqyer me Shtetet e Bashkuara të Amerikës dhe me presidentin e zgjedhur Barak Obama. “Misioni juaj ishte një mision i bekuar, të tilla janë të gjitha misionet e paqes, i tillë është misioni që vëllezërit tuaj kryejnë në Afganistan, në Çad e kudo gjetiu. Por ky mision kishte një specifikë tjetër të madhe. Ju atje shkuat së bashku me trupat e ushtrisë amerikane, të ushtrisë më të shkëlqyer të planetit. Prania juaj ishte para së gjithash simbol i respektit, i mirënjohjes, i miqësisë që shqiptarët ndiejnë ndaj një kombi të madh, ndaj qeverisë amerikane dhe presidentit Bush. Bashkëpunimin e shkëlqyer që ne kemi pasur me Presidentin e Shteteve të Bashkuara Xhorxh Bush do ta vazhdojmë me presidentin e zgjedhur Barak Obama në të gjitha rastet, në të gjitha frontet që të jetë e nevojshme”, - u shpreh kryeministri Berisha. Në këtë ceremoni merrnin pjesë kryetarja e Kuvendit, Jozefina Topalli, ministri i Mbrojtjes, Gazmend Oketa, shefi i Shtabit të Përgjithshëm, Maksim Malaj, si dhe drejtues të tjerë të lartë të Ushtrisë.
28 Dhjetor 2008