Universiteti, si do zgjidhet kancelari

“Menaxhimi i universiteteve publike do të jetë më efikas me përcaktimin e detyrave të kancelarit”. 

Kjo është deklarata e ministrisë së arsimit pas vendimit të djeshëmn të këshillit të ministrave. Sipas këtij vendimi Kancelari i institucionit publik të arsimit të lartë do të drejtojë veprimtarinë e administratës,realizojë administrimin financiar,si dhe do të mbikëqyrë të gjitha procedurat e marrjes në punë. Në vendimin e djeshëm janë përcaktuar edhe hapat që do të ndiqen për zgjedhjen e kancelarit si dhe kriteret që duhet të plotësojë personi që do të marrë këtë post. “Institucioni shpall publikisht, për dy javë kalendarike, vendin e punës dhe kriteret, që duhet të plotësojnë kandidatët për kancelar, si dhe shpall fillimin e vlerësimit dhe të përzgjedhjes  së kandidatëve, nëse janë paraqitur, së paku, tri kandidatura”, thuhet në vendim.