Ura, peng 2.500 banorë për 600 mijë lekë
27/04/2005 Dy fshatra të izoluar prej vitesh
LIBRAZHD – Rreth 2.500 banorë të fshatrave Drizë dhe Spathar të komunës Hotolisht, presin fillimin e punimeve të urës që i lidh ato me rrugën nacionale Librazhd-Qafëthanë. Sipas banorëve, ura duhet të kishte përfunduar 6 muaj më parë, por firma sipërmarrëse ka ndërprerë punimet. Fondi i vënë në dispozicion është përcaktuar i pamjaftueshëm. Për të përfunduar urën, e cila kalon mbi lumin Shkumbin janë kërkuar 600 mijë lekë, të cilat duket se pengojnë edhe inagurimin për t’i dhënë mundësi banorëve të komunikojnë me qytetin. Këshilli i komunës Hotolisht, përballë kësaj situate ka kërkuar nga ministria e Pushtetit Vendor një fond shtesë. Por edhe pse kjo kërkesë ka tashmë muaj, që është depozituar pranë kësaj ministrie, ende nuk ka mbërritur asnjë fond.
LIBRAZHD – Rreth 2.500 banorë të fshatrave Drizë dhe Spathar të komunës Hotolisht, presin fillimin e punimeve të urës që i lidh ato me rrugën nacionale Librazhd-Qafëthanë. Sipas banorëve, ura duhet të kishte përfunduar 6 muaj më parë, por firma sipërmarrëse ka ndërprerë punimet. Fondi i vënë në dispozicion është përcaktuar i pamjaftueshëm. Për të përfunduar urën, e cila kalon mbi lumin Shkumbin janë kërkuar 600 mijë lekë, të cilat duket se pengojnë edhe inagurimin për t’i dhënë mundësi banorëve të komunikojnë me qytetin. Këshilli i komunës Hotolisht, përballë kësaj situate ka kërkuar nga ministria e Pushtetit Vendor një fond shtesë. Por edhe pse kjo kërkesë ka tashmë muaj, që është depozituar pranë kësaj ministrie, ende nuk ka mbërritur asnjë fond.