Uzbekistani e quan partner Kinën, jo Bashkimin Evropian

Zëvendës kryeministri i parë, Rustam Azimov, tha se Uzbekistani mund t`i përmirësojë lidhjet me Kinën në vend të Bashkimit Evropian sepse ka pasur "përpjekje për të shantazhuar Uzbekistanin nga disa vende" të BE-së me zbatim të sanksioneve.

"Ne na duhet një treg i sigurtë për lëndët e para ku askush nuk do të bëjë pohime politike", tha Azimov në një konferencë për shtyp në kryeqytetin Tashkent.

Vendet e Perëndimit kanë kritikuar qeverinë e Uzbekistanit për abuzimin e të drejtave të njeriut.

Azimov tha se vendi do t`i vazhdojë marrëdhëniet e përzemërta me disa vende të BE-së "që e respektojnë Uzbekistanin mbi baza bilaterale", ndersa përmendi dhe Gjermaninë.