V E N D I M PËR REALIZIMIN SHËRBIMIT FINANCIAR TË LETËRKREDISË, NË FAVOR TË OPERATORIT TË SISTEMIT TË SHPËRNDARJES, NË PROCESIN E PRIVATIZIMIT TË TIJ

V E N D I M

PËR

REALIZIMIN SHËRBIMIT FINANCIAR TË LETËRKREDISË, NË FAVOR TË OPERATORIT TË SISTEMIT TË SHPËRNDARJES, NË PROCESIN E PRIVATIZIMIT TË TIJ

Në mbështetje të nenit 100 të Kushtetutës dhe të nenit 7, të ligjit nr.9643,           datë 20.11.2006, « Për prokurimin publik», të ndryshuar, me propozimin e ministrit të Financave, Këshilli i Ministrave

V E N D O S I :

1. Shërbim financiar, në kuptim të këtij vendimi, është letërkredia, e nxjerrë nga banka, agjente për Operatorin e Sistemit të Shpërndarjes, si pjesë e transanksionit financiar të marrëveshjes së garancisë pjesore të riskut, që do të lidhet ndërmjet Republikës së Shqipërisë dhe Bankës Botërore për Rindërtim dhe Zhvillim (IBRD).

2. Procedura e realizimit të këtij shërbimi financiar do të bëhet në baza konkurruese, sipas vlerësimit të kryer nga Ministria e Financave dhe të pranuar nga Banka Botërore.

3. Ngarkohet Ministria e Financave për përgatitjen e listës së bankave, që do të marrin pjesë në këtë konkurrim, dhe të kërkesës për propozim, për realizimin e këtij procesi.

Ky vendim hyn në fuqi menjëherë dhe botohet në « Fletoren zyrtare ».

K R Y E M I N I S T R I

SALI  BERISHA