VENDIM PER SHTYRJEN E AFATIT TË BOTIMIT TË NJOFTIMIT TË FITUESIT DHE TË NJOFTIMIT TË KONTRATËS SË LIDHUR, PËR PROCEDURAT E PROKURIMIT, TË KRYERA NGA ALUIZNI,DREJTORIA QENDRORE DHE DREJTORIA RAJONALE E QARKUT TË SHKODRËS, SI AUTORITETE KONTRAKTORE

V E N D I M

PËR

SHTYRJEN E AFATIT TË BOTIMIT TË NJOFTIMIT TË FITUESIT DHE TË NJOFTIMIT TË KONTRATËS SË LIDHUR, PËR PROCEDURAT E PROKURIMIT, TË KRYERA NGA ALUIZNI, DREJTORIA QENDRORE DHE DREJTORIA RAJONALE E QARKUT TË SHKODRËS, SI AUTORITETE KONTRAKTORE

Në mbështetje të nenit 100 të Kushtetutës dhe të nenit 75, të  ligjit nr.9643, datë 20.11.2006, “Për prokurimin publik”, të ndryshuar, me propozimin e ministrit të Punëve Publike, Transportit dhe Telekomunikacionit,  Këshilli i Ministrave
 
V E N D O S I:

1. Lejimin e Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI), Drejtorisë Qendrore dhe drejtorisë rajonale për qarkun Shkodër,  të shtyjnë afatin e botimit të njoftimit të fituesit dhe njoftimit të kontratës së lidhur, për procedurat e prokurimit, për mallra e ndërtime, me fondet e parashikuara në buxhetin e shtetit, të vitit 2008, sipas aneksit 1, që i bashkëlidhet këtij vendimi, brenda datës 31 dhjetor 2008.

Brenda këtij afati përfshihen lidhja dhe ekzekutimi i kontratave përkatëse.

2. Ngarkohen Ministria e Punëve Publike, Transportit dhe Telekomunikacionit, Ministria e Financave, Agjencia  e Legalizimit, Urbanizimit dhe Integrimit të Zonave/Ndërtimeve informale, Drejtoria Qendrore dhe drejtoria rajonale e  qarkut të Shkodrës dhe Agjencia e Prokurimit Publik për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI BERISHA