Vaksina e gripit sezonal gati në fund të shtatorit

Në fund të muajit shtator në të gjitha farmacitë do të shpërndahet vaksina kundër gripit sezonal. Specialistët e Institutitutit të Shëndetit Publik rekomandojnë që Vaksina e gripit sezonal të bëhet brenda muajit dhjetor. Kjo pasi duhet që trupi të krijojë mbrojtje nga virozat dimërore që pritet të qarkullojnë. Vaksina do të tregtohet në farmaci, dhe është e këshillueshme të bëhet nga e gjithë popullata.
Sipas specialistëve, kjo vaksinë nuk krijon mbrojtje përsa i përket gripit pandemik që qarkullon, por lehtëson simptomat në rast infektimi. Përsa i përket gripit A H1N1, vaksina pritet të dalë në tetor, ndërsa numri i të prekurve ka arritur në 34 persona.