Zyra e gjyqtarit mbetet tempulli i drejtësisë

Vendosëm që pas asaj që u tha një ditë më parë në mbledhjen e Këshillit të Lartë të Drejtësisë gjërat do të kishin ndryshuar në Gjykatën e Tiranës. Konstatuam se zyrat e gjyqtarëve vazhdojnë të mbeten vendi i vetëm ku zhvillohen debatet ligjore mes palëve në gjykim. Në fakt sallat rrinë bosh.
Janë pikërisht këta njerëzit e zhgënjyer për të cilët fliste kreu i shtetit dhe njëherësh njeriu që sëbashku me shumë gjyqtarë të tjerë të përzgjedhur, kontrrollojnë punën e gjyqtarëve. Një ditë pas gjuhës së ashpër se njerëzit janë të zhgënjyer dhe se seancat nuk janë transparente, duket se situata nuk ka ndryshuar. Puna në Gjykatën e Rrethit Tiranë vazhdon të bëhet në të njejtat kushte.
Këtu nuk ka çështje penale, ku shpesh buja e arrestimeve khtehet dhe në bujë gjykimesh e seancash pa fund. Këtu çështjet kanë një tjetër ineteres publik. Këtu janë në pikepyetje prona, pasuri të tundshme dhe të patundshme, shoqëri e bisnese, ku ndjeshmëria e shoqërisë është edhe më e madhe. Pikërisht këtu, seancat zhvillohen në zyra, pa pranine e kamerave dhe gazetarëve, madje ka raste që mungojne dhe palët.