Vaksionohen fëmijët e fshatit SOS

 

Me afrimin e stinëve të ftohta fillon e shfaqet edhe gripi, i cili prek kryesisht fëmijët. Për këtë arsye, AMC ka ndërmarrë një nismë për vaksinimin e të gjithë fëmijëve të fshatit SOS, si edhe të personelit që punon me fëmijët. Ky është viti i dytë që në kuadër të Përgjegjësisë Sociale të Kompanisë, kompania lider në telefoninë celulare në Shqipëri, AMC, ka vendosur që t’i gjendet pranë fshatit SOS me sasinë e nevojshme të vaksinave anti-grip, për të gjithë fëmijët e kësaj qendre. AMC ka premtuar që do të jetë pranë fëmijëve të Fshatit SOS edhe në të ardhmen duke ndihmuar jo vetëm me vaksinimin por edhe në fusha të tjera.