Vallëtarja Cingu, së shpejti me një koncert recital

Vallëtarja e mirënjohur e Ansamblit të këngëve dhe valleve popullore Liljana Cingu do të mbajë një koncert recital në “Teatrin e Operas dhe Baletit” në datë 8 shkurt. Ky koncert i shumë pritur për vallëtaren dhe solisten Cingu vjen me rastin e 40 viteve karrierë dhe 60 vjetorin e saj të lindjes.

Dhe pse në këtë moshë ajo sërisht kërcen në Ansamblin me po atë pasion dhe elegancë që e karakterizon. Ajo shprehet se ka vite që e pret këtë koncert recital, të cilin ajo e konsideron si shumë të rëndësishëm për karrierën e saj artistike.

Kërcimtarja Cingu do të sjellë shtatë valle nga të gjitha trojet shqiptare ku do të jetë e shoqëruar nga partneri i saj për shumë vite në skenë Rexhep Celiku.
 

Liljana Cingu është nderuar nga presidenti me urdhërin “Mjeshtër i Madh” për kontributin që jo ka dhënë në vallen shqiptare. Ajo ka marrë pjesë në shfaqje që ka zhvilluar në shumë vende të botës ku edhe janë nderuar me shumë çmime.