Van Basten nuk kthehet në Ajax
Marco van Basten nuk do të kthehet në Ajax për t’u bërë drejtori i gjigantit holandez.
Van Basten, ish-futbollist dhe trajner i Ajaxit, ishte kandiduar si drejtor nga këshilltari i klubit, Johan Cruyff, por bisedimet kanë dështuar të gjejnë marrëveshje.
“Kam biseduar me Ajaxin dhe isha i interesuar por kishte shumë paqartësi që nuk është lehtë të zgjidhen, andaj e kemi lënë në harresë”, tha Van Basten për Sport1.
Besohet se Guus Hiddink tani është bërë objektivi kryesor i Ajaxit, edhe pse ai është ende i angazhuar si selektor i Turqisë.
Marc Overmars dhe Edwin van der Sar janë përmendur si kandidatë të mundshëm.