Vasili: Bashkëqeverisja me PD është e pashmangshme

Sekretari i Përgjithshëm i Lëvizjes Socialiste për Integrim, Petrit Vasili, tha sot në një konferencë për shtyp se "marrëveshja PD-LSI është e pakthyeshme dhe pritet që të finalizohet në fillim të shtatorit". Sipas Vasilit, ky vendim është marrë me unanimitet nga Konventa e Lëvizjes Socialiste për Integrim. Duke iu referuar deklaratës së disa ditëve më parë të pesë anëtarëve të kryesisë së LSI-së, për rishikimin e marëveshjes PD-LSI, Vasili theksoi se "tashmë nuk kemi kohë të merremi me zëdhënësat e Ramës dhe marrëveshja do të finalizohet në shtator brenda afateve kushtetuese".