Vau i Dejes, perfundon rehabilitimi 20 milione euro
Perfundimi i rehabilitimit te plote te hidrocentralit te Vaut te Dejes ka sjelle dje ne ambientet e tij ministrin e Ekonomise dhe te Energjetikes, Genc Ruli, ministrin e Shendetesise dhe deputetin e zones, Nard Ndoka, autoritete lokale etj. Pas 5 vitesh punime te kryer nga disa firma te huaja, me nje investim prej 20 milione euro eshte bere i mundur rehabilitimi i 5 turbinave, i sistemit te komandes, i sistemit te kontrollit dhe monitorimit. Ne kete rehabilitim te plote jane perfshire zevendesimi i pajisjeve ekzistuese hidromekanike, i pajisjeve elektrike, instalimi i sistemit te ri te kontrollit e monitorimit etj. Me kete rehabilitim garantohet rritja e sigurise dhe cilesise se furnizimit me energji elektrike, rritja e gatishmerise se njesive gjeneruese dhe shkurtimi i ndjeshem i afateve te sherbimit. Sipas drejtorit te Pergjithshem te KESH, Gjergj Bojaxhi, gjate 36 viteve te shfrytezimit te ketij hidrocentrali, ai ka prodhuar 31 miliarde kilovat energji elektrike. Ministri i Energjetikes, Genc Ruli, ka pohuar se vonesa ne rehabilitimin e ketij hidrocentrali ka ardhur dhe per shkak te avarise se ndodhur ne vitin 2005, ndersa ka shtuar se eshte planifikuar dhe rehabilitimi i hidrocentralit te Komanit, ndersa ai Fierzes eshte kryer me pare. Rehabilitimi i hidrocentralit te Vaut te Dejes ne Shkoder zgjati 5 vjet dhe kushtoi rreth 20 milione euro. Pas rreth 30 vjet pune, i vene ne shfrytezim ne vitin 1971, hidrocentrali i pare i ngritur mbi lumin Drin i eshte nenshtruar nje rikonstruksioni te plote. Projekti per rehabilitimin e tij ka filluar me 7 janar 2003 dhe perfundoi me 12 nentor 2007. Ky rehabilitim u vonua per shkak te incidentit te ndodhur me 22 qershor 2005, ku ra zjarr ne nje prej ambienteve te tij, duke shkaktuar daljen nga funksioni per dy muaj te gjithe vepres prodhuese te energjise elektrike. Rehabilitimi ka perfshire pese njesite gjeneruese te hidrocentralit, turbinat, me nje fuqi totale te instaluar prej 250 MW. Projekti i rehabilitimit te ketij hidrocentrali eshte rezultat i bashkefinancimit te qeverise austriake me nje grant me vlere 4.27 milione euro, Bankes Evropiane per Rindertim e Zhvillim me 4.7 milione euro, Bankes Japoneze me 5.6 milione euro dhe 1.4 milione euro ne forme kredie si dhe burimeve financiare te KESH-it. Vlera totale e projektit eshte 19.4 milione euro, ku 16.2 milione jane kosto e huaj dhe 3.2 milione euro kosto shqiptare. Ne perputhje me burimet e financimit dhe karakterin e punimeve rehabilituese, zbatimi i projektit u realizua nga kompanite "Vetech Andritz- Grac", Austri per punimet hidromekanike, "Aistom Hydro", Zvicer, per punimet elektrike, "Aistom Hydre", France per sistemin e kontrollit dhe monitorimit si dhe per kryerjen e punimeve civile.